Sa Bayan Ng Emigracia

At ang mahiwagang binata

Alas kwatro ng umaga. Ang aasahan mo ay ang tilaok ng mga manok. Ngunit bakit may ilang asong kumakahol?

Namulat ang bayan ng Emigracia sa isang komosyon — ang mga taumbayan ay nakapalibot sa bahay ng isang binatang kamakailan lamang lumipat sa kanilang lugar.

Nakaupo sa kahoy na bangko ang dalagang si Isay habang ngumunguya ng mainit na pandesal at inaalok ang kanyang kaibigan, na siya namang may pagkainis na tumanggi. Mababanaag sa mukha ng kaibigan ang halu-halong pag-aalala, pagtataka, at malalim na pag-iisip. Idamay na natin ang kaniyang pagkayamot sa kaibigan na nakuha pang bawasan ang dala nilang pandesal.

Sa harap ni Isay ay matatagpuan ang lupon ng mga barangay tanod. Makikita silang nakauniporme, puting t-shirt na may kuwelyo at naka-imprintang malalaking pulang titik na kung babasahin ay ang pangalan pala ni Kapitan Tinong. Mapapansin din ang larawan ni kapitan sa likod ng damit ng kaniyang mga tanod. Sa damit ay nakangiti siya, at makikita ang pilak niyang ngipin sa larawan. Kung mamasdang maigi ng taumbayan ay tila may maririnig na tinig ang kanilang mga tainga — ibo… ngunit hindi nila ito marinig nang buo.

“Magandang araw ho Tata Selyo! Naulinigan ko ho ang inyong naturan. Nasa tatlong araw na seminar ho si Kapitan Tinong sa Baguio. Babalik po siya sa Biyernes.”, ang sabi ni Ka Cora, ang nangunang konsehala sa nakaraang eleksyon.

“Ah ganon ho ba konsehala? Kaya ho pala wala ulit ang van sa Barangay Hall. Sana ay may pasalubong ho siya ulit sa aming mga senior!”, ang mabilis na turan ni Tata Selyo.

“Naku po, alam niyo namang malapit sa inyong mga senior talaga ang ating mahal na kapitan…”, ang nakangiting sagot ng konsehala.

Related posts:

Starting a business from scratch can be daunting. But if you do it right, it can also be incredibly lucrative. Unfortunately, there’s no magic formula for the best way to launch your startup, since…

Two graves in 3 weeks. Technically 4 graves, but they count as two monuments. Ironically, both these grave visits were after auspicious events. The first, the tomb of Sambhaji Maharaj in Tulapur…

While the profits are still pouring high in the crypto market, the traders are facing dilemmas, and challenges in trading these digital assets due to various reasons and one of the major reason are…